ياسمين محمد تكتب . من النِعم الخفية

إن ماتكونش عينك مكسورة، لا لشخص ولا جهة ولا جماعة ولا نظام ولا شِلة

تعيش كدا زي الطير الحر .. مستغني

ماعندكش إيد موجوعة حد يمسكك منها ولا صباعك تحت ضرس حد

لا مسعور على منصب أو جايزة أو شيء يمنحك قيمة
لأن إنت اللي بتمنح كل الحاجات دي قيمة ومعنى

لا مستني حاجة من حد .. ولا خايف من حد .. ولا بتبوس إيد حد .. ولا بتعادي حد .. ولا حد بيأجرك في معركته مع حد .. ولا مضطر لدفع فواتير لحد

نجاحك بتعمله بمجهودك ومعادلتك الخاصة فالحياة .. تُطْلَب ولا تَطلُب .. تُعرَض عليك الأشياء ولا تتسولها

ساعتها، تعيش عينك قوية .. قلبك قوي .. لسانك قوي

وتبقا زي العملة المعيارية: تُقاس بك الأشياء ولا تُقاس أنت بها.
#صباحكم_فل💖💖

دريم مصر الاخبارية